వసంత గాలికి వలపులు రేగ

      


చిత్రం: శ్రీకాకుళాంధ్ర మహావిష్ణువు కథ
సంగీతం: పెండ్యాల నాగేశ్వర రావు
సాహిత్యం: పింగళి నాగేంద్ర రావు
గానం: మంగళంపల్లి బాల మురళీకృష్ణ, యస్ జానకి

ప: వసంత గాలికి వలపులు రేగ వరించు బాలిక మయూరి కాగ
తనువు మనసు ఊగి తూగి ఒక మైకం కలిగేనులే
ఈ మహిమ నీదేనులే ప్రేమతీరు ఇంతేనులే

౧. రవంత సోకిన చల్లని గాలికి మరింత కోరిన వసంతుడనగా
తనువు మనసు ఊగి తూగి ఈ లోకం మారేనులే
ఈ మహిమ నీదేనులే ఆహా భలే హాయిలే

౨. విలాస మాధురి వెన్నెల కాగా విహార వీణలు విందులు కాగా
ఏకాంతంలో నీవూ నేనే ఒక స్వర్గం కనుపించెనే
ఈ మహిమ నీదేనులే ప్రేమ తీరు ఇంతేనులే