Pages

Subscribe:

Tuesday 22 October 2013

ఆకులో ఆకునై

              
చిత్రం: మేఘసందేశం
సంగీతం: రమేష్ నాయుడు
రచన: దేవులపల్లి
గానం: పి సుశీల

ఆకులో ఆకునై పూవులో పూవునై
కొమ్మలో కొమ్మనై నునులేత రెమ్మనై
ఈ యడవి దాగిపోనా ఎటులైన నిచటనే యాగిపోనా?

గల గలని వీచు చిరుగాలిలో కెరటమై
జల జలని పారు సెలపాటలో తేటనై
ఈ యడవి దాగిపోనా ఎటులైన నిచటనే యాగిపోనా?

పగడాల చిగురాకు తెరచాటు తేటినై
పరువంపు విరిచేడె చిన్నారి సిగ్గునై
ఈ యడవి దాగిపోనా ఎటులైన నిచటనే యాగిపోనా?

తరు వెక్కి యల నీలగిరి నెక్కి మెలమెల్ల
చద లెక్కి జలదంపు నీలంపు నిగ్గునై
ఈ యడవి దాగిపోనా ఎటులైన నిచటనే యాగిపోనా?

ఆకలా దాహమా చింతలా వంతలా
ఈ కరణి వెర్రినై యేకతమ తిరుగాడ
ఈ యడవి దాగిపోనా ఎటులైన నిచటనే యాగిపోనా?



0 comments:

Post a Comment