నీకాలి కొనగోటి రాకా సుధాంశువులు

బ్రహ్మశ్రీ సామవేదం షణ్ముఖశర్మగారు వ్రాసిన `వందే శ్రీ మాతరం' ఆల్బంలో పాట:

పల్లవి: నీకాలి కొనగోటి రాకాసుధాంశువులు నీవేలి కొసలలో నిండైన అరుణిమలు
ప్రసరింపజేయుమమ్మా ఆ ప్రభలే జీవనములమ్మా
చరణం: (1) రాజేశ్వరీ చరణరజమురవ్వంతైన లభియించినను నొసట విభూతిగ దాల్చెదను
అదియే సామ్రాజ్యమమ్మా ఆ వరమునందించుమమ్మా
(2) పరమహంసల గమనసరణిని ప్రబోధించు హంసగమనా! నీదు అంఘ్రులను తలదాల్తు
అనుగుబిడ్డను బ్రోవుమమ్మా గుహునివలె నను జూడుమమ్మా
(3) ఒక్కచరణపు శోభ చక్కనౌ పసపుసిరి మరియొక్క పాదమ్ము స్వచ్ఛ ధావళ్యమ్ము
అమ్మ అయ్యల మూర్తివమ్మా ఆశ్రయించిన సుతుడనమ్మా

http://picosong.com/ktCA