త్రిలింగ దేశం మనదేనోయ్

               
రచన: పైడిపాటి సుబ్బరామశాస్త్రి

త్రిలింగ దేశం మనదేనోయ్
తెలుంగులంటే మనమేనోయ్
మధురం మధురం మధురం మధురం
ఆంధ్రమ్మంటే అతిమధురం
దేశభాషలా తీరుల్లోకీ..ఆంధ్రమ్మంటే అతిమధురం
రాయలు మనవాడోయ్
పండితరాయలు..మనవాడోయ్
కలం తిక్కనా..ఖడ్గ తిక్కనా
గణపతిదేవులు మనవారోయ్!

అమరావతి నాగార్జున కొండా
సిద్ధహస్తులా శిల్పాలోయ్
మల్లినాధ కుమారిభట్టులు
అందెవేసినా హస్తాలోయ్!
గోదావరి కృష్ణా..తుంగభద్రా పెన్నా
కనిపెంచినవోయ్ తెలుగుజాతిని
వినిపించనవోయ్ వీణానాదం!

ఓడలు కట్టామూ
మింటికి..మేడలు కట్టామూ
మున్నీరంతా ఏకరాశిగా
ముద్దరవేశామూ!
సంతలలో వజ్రాల రాసులూ
జలజలలాడినవీ
కుబేరతుల్యం మహదైశ్వర్యం
గొడుగుపట్టినాదీ!
కలకలలాడే తెలుగుదేవికి
గంధాగరుధూపం
కిలకిలలాడే తెలుంగు కన్నెల
కిన్నెరలాలాపం
బలం గడించీ..వెలుంగునింపే
తెలుంగుజండా "హు"
తెలుంగు భేరీ "ఢాం"
గణగణ గణగణ గణగణ గణగణ..
తెలుంగు జయఘంటా!
గణగణా గణాగణ, గణాగణా గణ..
తెలుంగు జయఘంటా...!!.త్రిలింగ!!

నీవుండేదా కొండపై

            
చిత్రం: భాగ్యరేఖ
సంగీతం: పెండ్యాల నాగేశ్వర రావు
రచన: దేవులపల్లి కృష్ణ శాస్త్రి
గానం: సుశీల

ప: నీవుండేదా కొండపై నా స్వామి
నేనుండేదీ నేలపై..ఈ..
ఏ లీల సేవింతునో..ఓ ఓ ఓ
ఏ పూల పూజింతునో..ఓ..

౧. శ్రీ పారిజాత సుమాలెన్నో పూచె
ఈ పేదరాలి మనస్సెంతో వేచె
శ్రీ పారిజాత సుమాలెన్నో పూచె
ఈ పేదరాలి మనస్సెంతో వేచె
నీ పాద సేవా మహాభాగ్యమీవా
నా పైని దయజూపవా..నా స్వామి
నీవుండేదా కొండపై నా స్వామి
నేనుండేదీ నేలపై
ఏ లీల సేవింతునో..ఏ పూల పూజింతునో!!

౨. దూరాననైన కనే భాగ్యమీవా
నీ రూపు నాలో సదా నిల్వనీవా
ఏడుకొండలపైనా వీడైన స్వామి
నా పైని దయజూపవా..నా స్వామి
నీవుండేదా కొండపై నా స్వామి
నేనుండేదీ నేలపై
ఏ లీల సేవింతునో..ఏ పూల పూజింతునో!!

మురిపించే అందాలే అవినన్నే చెందాలే

             
చిత్రం: బొబ్బిలి యుద్ధం
సంగీతం: సాలూరి రాజేశ్వర రావు
రచన: శ్రీ శ్రీ
గానం: ఘంటసాల, సుశీల

సాకీ:  సొగసు కీల్జడదానా...సోగకన్నులదానా

వజ్రాలవంటి పల్వరుసదానా…బంగారు జిగిదానా...
సింగారములదానా...నయమైన వయ్యారి నడలదాన...
తోరంపుకటిదానా…తొణకు సిగ్గులదానా
పిడికిట నడగు నెన్నడుముదానా... ఆ...

ప: మురిపించే అందాలే అవి నన్నే చెందాలే
నా దానవు నీవేలే నీ వాడను నేనేలే ఆ...
దరిచేర రావే సఖీ నా సఖీ...ప్రేయసీ సిగ్గేలా

మరపించే మురిపాలే కరిగించే కెరటాలై (2)
నిదురించే భావాల కదిలించే ఈవేళ... ఆ...
అదే హాయి కాదా సఖా నా సఖా...!!మురిపించే!!

౧. చెలి తొలిచూపే మంత్రించెనే
ప్రియ సఖురూపె మదినేలెనే
ఇది ఎడబాటు కనలేని ప్రేమ
ఇల మనకింక సురలోక సీమ
ఇదే హాయి కాదా సఖా నా సఖా...!!మురిపించే!!

౨: అనురాగాల రాగాలలో...
నయగారాల గారాలలో...
మధు మాధుర్యమే నిండిపోయె
హృదయానందమే పొంగిపోయె
దరిచేర రావే సఖీ నా సఖీ...!!మురిపించే!!

చూసి వలచి చెంతకు పిలిచి

           
చిత్రం: వీరాభిమన్యు
సంగీతం: కె వి మహదేవన్
రచన: ఆరుద్ర
గానం: ఘంటసాల, సుశీల