మనసే కోవెలా మమతలు మల్లెలుగా

             

             
చిత్రం : మాతృదేవత
సంగీతం : కె.వి.మహాదేవన్
రచన : దాశరధి
గానం : పి.సుశీల

మనసే కోవెలగా మమతలు మల్లెలుగా

నిన్నే కొలిచెదరా

నన్నెన్నడు మరువకురా కృష్ణా..!!మనసే!!

ఈ అనురాగం ఈ అనుబంధం

మన ఇరువురి ఆనందం -2

కలకాలం మదినిండాలి కలలన్నీ పండాలి - 2

మన కలలన్నీ పండాలి!!మనసే!!

ఎన్నో జన్మల పుణ్యముగా

నిన్నే తోడుగ పొందాను -2

ప్రతి రేయీ పున్నమిగా

బ్రతుకు తీయగా గడిపేను - 2!!మనసే!!

నీ చూపులలో చూపులతో

నీ ఆశలలో ఆశలతో - 2

ఒకే ప్రాణమై ఒకే ధ్యానమై

ఒకరికి ఒకరై బ్రతకాలి!!మనసే!!