ఏవండోయ్ శ్రీమతి గారు లేవండోయ్ పొద్దెక్కిందీ

ఏవండోయ్ శ్రీమతి గారు లేవండోయ్ పొద్దెక్కిందీ...||2||
ఇల్లు ఊడ్చాలి కళ్ళాపు చల్లాలి నీళ్ళుతోడాలి ఆపై కాఫీకాయాలి....
ఏవండోయ్ శ్రీమతి గారు లేవండోయ్ పొద్దెక్కిందీ...

హబ్బ !! ప్లీజ్ ! ఒక్క గంటండీ...
గంటా గంటని అంటూ ఉంటే లోనుంచీ ఆకలి మంటా !!
మంటా మంటని గిజ గిజ మంటే అమ్మానాన్నతో తంటా....
మంటను మరిచేసి తలుపులు మూసేసీ...
దుప్పటి ముసుగేసి సరిగమ పాడేసి...
ఆఫీసుకి నామం పెడితే ఆడబాసుతో తంటా....

హుం Who is that రాక్షసి
ఉన్నది ఒక శూర్పణఖా లేటైతే నొక్కును నా పీకా....
ఆపై ఇచ్చ్చును ఒక లేఖా... ఆ లేఖ తొ ఇంటికి రాలేకా...
నలిగి నలిగి కుమిలి కుమిలి చచ్చి చచ్చి బ్రతికి బ్రతికి....
అయ్యబాబోయ్ !! అందుకే...

ఏమండోయ్ శ్రీమతి గారూ లేవండోయ్ పొద్దెక్కింది... హబ్బా !!

కాఫీ.. కాఫీ.. కాఫీ...
కాఫీ కాఫీ అంటూ ఉంటే ఉలకరు పలకరు ఏంటంటా...
వంటా వార్పు చేసేది ఇంటికి పెళ్ళామేనంటా...
అఫ్కోర్స్ నాకు రాదే ఒక సారి చేసి చూపించండీ...
మ్మ్... పాలను మరిగించీ గ్లాసులో పోసేసి
పౌడరు కలిపేసీ స్పూను తో తిప్పేసి
వేడిగ నోటికి అందిస్తే....
నాన్సెన్స్ చక్కెర లేదు....
హబ్బా !! అరవకు అరవకు ఓ తల్లీ....
అరిస్తె ఇల్లే బెంబెల్లీ... ఇరుగూపొరుగూ బయలెల్లి
నిన్నూ నన్నూ చూసెళ్ళి...
ఇంటా బయటా ఊరూ వాడా గుస గుస గుసలాడేస్తే
నిజంగా !! నీతోడు అందుకే...

ఏవండోయ్ శ్రీమతి గారు ఆగండోయ్ చల్లారండీ....