చిత్రం: పవిత్ర బంధం
రచన: సిరివెన్నెల
గానం : ఏసుదాస్
సంగీతం : MM కీరవాణికార్యేషు దాసి కరణేషు మంత్రి
భోజ్యేషు మాత శయనేషు రంభ
అపురూపమైనదమ్మ ఆడజన్మ
ఆ జన్మకు పరిపూర్ణత ఇల్లాలమ్మా
అపురూపమైనదమ్మ ఆడజన్మ
ఆ జన్మకు పరిపూర్ణత ఇల్లాలమ్మా
మగవాని బ్రతుకులో సగపాలు తనదిగా
జీవితం అంకితం చేయగా...
అపురూపమైనదమ్మ ఆడజన్మ
ఆ జన్మకు పరిపూర్ణత ఇల్లాలమ్మా
౧. పసుపు తాడు ఒకటే మహాభాగ్యమై
బ్రతుకుతుంది పడతి పతే లొకమై
మగని మంచి కొసం పడే ఆర్తిలో
సతిని మించగలరా మరే ఆప్తులు
ఏ పూజ చెసినా ఏ నోము నోచినా
ఏ స్వార్థము లేని త్యాగం
భార్యగ రూపమే పొందగా...!!
౨. కలిమిలేములన్నీ ఒకే తీరుగా
కలిసి పంచుకోగా సదా తొడుగా
కలిసి రాని కాలం వెలి వేసినా
విడిచిపోని బంధం తనై ఉండగా
సహధర్మచారిణి సరిలేని వరమని
సత్యాన్ని కనలేని నాడు
మోడుగా మిగలడా పురుషుడు...
అపురూపమైనదమ్మ ఆడజన్మ
ఆ జన్మకు పరిపూర్ణత ఇల్లాలమ్మా
అపురూపమైనదమ్మ ఆడజన్మ
ఆ జన్మకు పరిపూర్ణత ఇల్లాలమ్మా
మగవాని బ్రతుకులో సగపాలు తనదిగా
జీవితం అంకితం చేయగా...
కార్యేషు దాసి కరణేషు మంత్రి
భోజ్యేషు మాత శయనేషు రంభ
0 comments:
Post a Comment