చూస్తూ
ఊరక కూర్చొనకమ్మా చూపులతో కరుణించమ్మా
హస్తములు
దోయిలించి, ప్రశస్తమైన నిను మ్రొక్కితినమ్మా!!
ఏమీ
పట్టని రీతిగనుంటే ఏలాగమ్మా ఈశుని కొమ్మా
ఏమాత్రమ్మికనుపేక్షసేయక
ఏలుకొనే కృపజూపమ్మా
స్వామి
తోడ నువ్వు కొలువుదీరి మము సాదరమున పాలించమ్మా
ఏమరకను
ఈ మారక రోగము నిట్టే నశింప జేయగదమ్మా !!
చాలా
పాపములను జేసితిమని సాకుతోడ విడనాడకుమమ్మా
జాలి
జూచి క్షమియించి ఆదుకొను జననివి నీవే వినవమ్మా
కాలరూపిణివి
కాత్యాయని కలికల్మషనాశిని వీవమ్మా
జ్వాలాముఖి!
షణ్ముఖ సన్నుతపద! శరణాగతులము దుర్గాంబా!!
0 comments:
Post a Comment