నిన్నలేని అందమేదో

 
చిత్రం: పూజాఫలం 

రచన: సినారె

గానం: ఘంటసాల

సంగీతం: ఎస్ రాజేశ్వరరావు

ప: నిన్నలేని అందమేదో నిదుర లేచెనెందుకో నిదుర లేచెనెందుకో
తెలియని రాగమేదో తీగసాగెనెందుకో తీగసాగెనెందుకో నాలో

పూచిన ప్రతి తరువొక వధువు పువుపువ్వున పొంగెను మధువు
ఇన్నాళ్ళీ శోభలన్నీ ఎచట దాగెనో!!నిన్నలేని!!

తెలినురుగులె నవ్వులు కాగా సెలయేరులు కులుకుతు రాగా
కనిపించని వీణలేవో కదలి మ్రోగెనే!!నిన్నలేని!!

పసిడి అంచు పైటజార పయనించె మేఘబాల
అరుణకాంతి సోకగానే పరవశించెనే !!నిన్నలేని!!