ఏదో ఒక రాగం పిలిచిందీ ఈవేళా

చిత్రం: రాజా
సంగీత దర్శకత్వం: ఎస్.ఎ. రాజ్ కుమార్
రచన: సిరివెన్నెల సీతారామ శాస్త్రి
గానం: చిత్ర

ఏదో ఒక రాగం పిలిచిందీ ఈవేళా...
నాలో నిదురించే గతమంతా కదిలేలా...
నా చూపుల దారులలో చిరుదివ్వెలు వెలిగేలా...
నా ఊపిరి ఊయలలో చిరు నవ్వులు చిలికేలా....
జ్ఞాపకాలే మైమరపు, జ్ఞాపకాలే మేల్కొలుపు...
జ్ఞాపకాలే నిట్టూర్పు, జ్ఞాపకాలే ఓదార్పు...
అమ్మా, అని పిలిచే తొలి పలుకులు జ్ఞాపకమే...
రా, అమ్మా.... అని అమ్మే లాలించిన జ్ఞాపకమే...
అమ్మ కళ్ళలో అపుడపుడూ చెమరింతలు జ్ఞాపకమే...
అమ్మ చీరనే చుట్టే పాప జ్ఞాపకం...
అమ్మ నవ్వితే పుట్టే సిగ్గు జ్ఞాపకం... //ఏదో//
గుళ్ళో కథ వింటూ నిదురించిన జ్ఞాపకమే...
బళ్ళో చదువెంతో బెదిరించిన జ్ఞాపకమే...
గవ్వలు ఎన్నో సంపాదించిన గర్వం జ్ఞాపకమే...
నెమలి కళ్ళనే దాచే చోటు జ్ఞాపకం...
జామ పళ్ళనే దోచే తోట జ్ఞాపకం.... //ఏదో//