రావోయి బంగారి మామా
నీతోటి రాహస్యమొకటున్నదోయీ
నీళ్ళ తూరల వెన్క
నిలుచున్న పాటనే
జలజలల్ విని గుండె
ఝల్లుమంటున్నాది!!రావోయి!!
అవిసె పువ్వులు రెండు
అందకున్నయి నాకు
తుంచి నా సిగలోన
తురిమిపోదువుగాని!!రావోయి!!
ఏటి పడవ సరంగు
పాట గిరికీలలో
చెలికాడ మనసొదల్
కలబోసుకుందాము!!రావోయి!!
పంటకాలువ ప్రక్క
జంటగా నిలుచుంటె
నీడల్లో మన యీడు
జోడు తెలిసొస్తాది!!రావోయి!!
ఈవెన్నెల సొలపు
ఈతెమ్మెరల వలపు
రాత్రి మన సుఖకేళి
రంగరించాలోయి!!రావోయి!!
ఈనాటి మనవూసు
లేనాటికీ మనకు
ఎంతదూరానున్న
వంతెనల్ కట్టాలి!!రావోయి!!
జొన్నచేలో గుబురు
జొంపాలలో గూడ
సిగ్గేటొ మనసులో
చెదరగొడుతున్నాది!!రావోయి!!
0 comments:
Post a Comment