కల ఇదనీ నిజమిదనీ తెలియదులే

            
చిత్రం: దేవదాసు
సాహిత్యం:
సంగీతం: సి ఆర్ సుబ్బరామన్
గానం:

కల ఇదనీ నిజమిదనీ తెలియదులే,
బ్రతుకింతేనులే, ఇంతేనులే (౨)
పసితనపూ మనోరథం
వెన్నెలనీడై పోయేనులే, బ్రతుకింతేనులే, ఓ . . .
కల ఇదనీ నిజమిదనీ తెలియదులే, బ్రతుకింతేనులే

ఎవియో మురిపాలెటకో పయనాలు
దైవాల నీమాలింతే (౨) వరమింతే
చివురించిన పూదీవే విరియగా
విరితావులు దూరాలై చనేనులే,
ప్రేమ ఇంతేలే పరిణామమింతేలే ||కల ఇదనీ||

నెరవేరని ఈ మమకారాలేమో
ఈ దూరభారాలేమో (౨) ...హితవేమో
ఎద నేరని ప్రాయానా చనువునా
రవళించిన రాగమ్మే స్థిరమ్మౌ
యోగమింతేలే అనురాగమింతేలే ||కల ఇదనీ||