రెక్కలు తొడిగి రెపరెపలాడి రివ్వంటుంది కోరిక

చిత్రం: చుట్టాలున్నారు జాగ్రత్త (1980)

సంగీతం: ఎం.ఎస్. విశ్వనాథన్

గీతరచయిత: సినారె

నేపధ్య గానం: బాలు, సుశీల

రెక్కలు తొడిగి రెపరెపలాడి రివ్వంటుంది కోరిక

దిక్కుల తోచక చుక్కల దారుల చెలరేగింది వేడుక

వయసు దారి తీసింది...వలపు ఉరకలేసింది

మనసు వెంబడించింది నిమిషమాగక

మనసే వెంబడించింది నిమిషమాగక

రెక్కలు తొడిగి రెపరెపలాడి రివ్వంటుంది కోరిక

చెంతగ చేరితే ..వింతగా ఉండదా

మెత్తగా తాకితే ..కొత్తగా ఉండదా

నిన్న కలగా ఉన్నదీ...నేడు నిజమవుతున్నది.

అనుకున్నది అనుభవమైతే అంతకన్న ఏమున్నది..

వయసు దారి తీసింది...వలపు ఉరకలేసింది

మనసు వెంబడించింది నిమిషమాగక

మనసే వెంబడించింది నిమిషమాగక

రెక్కలు తొడిగి రెపరెపలాడి రివ్వంటుంది కోరిక

కళ్ళతో నవ్వకు...జల్లుమంటున్నది

గుండెలో చూడకు.. గుబులుగా ఉన్నది

తొలిచూపున దాచింది..మలిచూపున తెలిసింది..

ఆ చూపుల అల్లికలోనే పెళ్ళిపిలుపు దాగున్నది

వయసు దారి తీసింది...వలపు ఉరకలేసింది

మనసు వెంబడించింది నిమిషమాగక

మనసే వెంబడించింది నిమిషమాగక

రెక్కలు తొడిగి రెపరెపలాడి రివ్వంటుంది కోరిక