చిత్రం: మూగమనసులు
గానం: ఘంటసాల
రచన: ఆచార్య ఆత్రేయ
సంగీతం: కె వి మహదేవన్
ప|| ముద్దబంతి పూవులో మూగ కళ్ళ ఊసులు
ఎనక జనమ బాసలు ఎందరికీ తెలుసులే || ముద్దబంతి ||
చ|| పూలదండలో దారం దాగుందని తెలుసును
పాలగుండెలో ఏది దాగుందో తెలుసునా? ఆ....... | పూల |
నవ్వినా, ఏడ్చినా కన్నీళ్ళే వస్తాయి
ఏ కన్నీటెనకాల ఏముందో తెలుసునా? || ముద్దబంతి ||
చ|| మనసు మూగదేకాని బాసుంటది దానికి
చెవులుండే మనసుకే ఇనిపిస్తుందా ఇది
ఎదమీద ఎదపెట్టి సొదలన్నీ యినుకో
యినుకునీ బతుకునూ ఇంపుగా దిద్దుకో || ముద్దబంతి ||
చ|| ముక్కోటి దేవుళ్ళు మురిసి సూస్తుంటారు
ముందు జనమ బంధాలు ముడివేసి పెడతారు
కన్నోళ్ళ కన్నీళ్ళు కడుపుతీపి దీవెనలు
మూగమనసు బాసలూ (2) మీకిద్దరికీ జోతలు || ముద్దబంతి ||
0 comments:
Post a Comment