భారతి నా కన్నతల్లి భాగ్యోదయ కల్పవల్లి
విశ్వ శాంతి విరియించిన చిరుపువ్వుల శిరసు మల్లి || భారతి ||
వార్ధిత్రయ భవ్య వసన వింధ్యాచల విశద రచన
కాశ్మీరపు రోశ్మి వదన నిర్మల గుణ నిఖిల సదన || భారతి ||
సన్నుత హిమశిఖరము వలె ఉన్నత మస్తక శోభిని
పావన గంగా నది వలె జీవన గీతాదాయిని || భారతి ||
భారతి బంగరు ముంగిట భగవంతుడె పారాడెను
ఋషి సంతతి గొంతు విప్పి ఋక్కులు చక్కగ పాడెను || భారతి ||
క్షమతా కేతనమెత్తెను సమతా శంఖమునొత్తెను
వితరణ గుణ గౌరవమున విశ్వమునే ముంచెత్తెను!!భారతి!!
0 comments:
Post a Comment