తలనిండ పూదండ దాల్చిన రాణి

ఆ రజనీకర మోహన బింబము నీ ననుమోమును బోలునటే
కొలనిలోని నవ కమల దళమ్ములు నీ నయనమ్ముల బోలునటే
ఎచట చూచినా ఎచట వేచినా నీ రూపమదే కనిపించినదే
ప: తలనిండ పూదండ దాల్చిన రాణి మొలక నవ్వులతోడ మురిపించ బోకే
పూలవానలు కురియు మొయిలువో మొగలి రేకులలోని సొగసువో
నారాణి !!తలనిండ!!

౧. నీమాట బాటలో నిండే మందారాలు నీపాట తోటలో నిగిడే శృంగారాలు
నీమేనిలో పచ్చ సేమంతి అందాలు 2 సార్లు
నీ నీలవేణిలో నిలిచే ఆకాశాలు!!తలనిండ!!