కొత్తగా రెక్కలొచ్చెనా గూటి లోని గువ్వ పిల్లకి

ప: కొత్తగా రెక్కలొచ్చెనా గూటి లోని గువ్వ పిల్లకి
మెత్తగా రేకు విచ్చెనా మెత్తగా రేకు విచ్చెనా
కొమ్మ చాటునున్న కన్నె మల్లికి కొమ్మ చాటునున్న కన్నె మల్లికి
కొత్తగా రెక్కలొచ్చెనా మెత్తగా రేకు విచ్చెనా

౧. కొండ దారి మార్చింది కొంటె వాగు జోరు
కులుకులెన్నో నేర్చింది కలికి ఏటి నీరు (2)
బండరాల హోరు మారి పంట చేల పాటలూరి (2)
మేఘాల రాగాల మాగాణి ఊగేల సిరి చిందులేసింది కను విందు చేసింది
కొత్తగా రెక్కలొచ్చెనా మెత్తగా రేకు విచ్చెనా

౨. వెదురులోకి ఒదిగిందీ కుదురులేని గాలి
ఎదురులేక ఎదిగిందీ మధురగానకేళి (2)
బాష లోన రాయలేని రాసలీల రేయి లోని (2)
యమున తరంగాల కమనీయ శృంగార కలలెన్నో చూపింది కళలెన్నో రేపింది