పల్లవి:
అతి పురాతన వటము ఆది శివ వటము
జతనమున చేరి విశ్రాంతి పొందుదమిపుడు
చరణం:
వేదాంతసాంఖ్యాది విమల విద్యలు జటలు
ఆద్యంతముల నిండి అమరినది వటము
వేదవిదులను మునులు వివిధ యోగీశ్వరులు
సేదదీరుచు సతము సేవించు వటము
పల్లవి:
అతి పురాతన వటము ఆది శివ వటము
జతనమున చేరి విశ్రాంతి పొందుదమిపుడు
చరణం:
తను తానె విస్తరిలి తనరె వ్యాప్తమ్మౌచు
కనగ విశ్వమె తాను కమనీయ వటము
ఘన భయద సంసారమను ఎండ సెగలేల
చనవుతో చేరరో చలువ నీడల వటము
చరణం:
అతి పురాతన వటము ఆది శివ వటము
0 comments:
Post a Comment