నా మానసమున సోమాస్కందుడు
సామాది శ్రుతి సారసురూపుడు
శ్రీమహితుడు సుస్థిరుడై వెలిగె
ఏమానందము ఏమీ భాగ్యము
ఏ మాటలకును ఎరుగరానిదిది...
వర వృషభమ్మున వరలెడి వేలుపు
పరమ ధవళ సుందరతర గాత్రుడు
పరశుమృగాభయవర కరకమలుడు
సరి త్రినయనుడు చంద్రశేఖరుడు!!
పసిమి మిసిమి మా పార్వతీమాత
అసమేక్షణునే అవలోకించుచు
ముసినగవులతో మురియుచున్నది
వెసమమ్మేలెడివిశ్వ జనయిత్రి!!
చిగురు దంతముల చిరునగవులతో
అగజాశంభుల అంకములందున
సొగసుల శిశువీ సురసేనాని
0 comments:
Post a Comment