చిన్నారి పాపలు చల్లని పున్నమి వెన్నెలలు
రచన: ఆచార్య తిరుమల
చిన్నారి పాపాలూ చల్లని పున్నమి వెన్నెలలూ
విల విలలాడే చూపులతో బుడి బుడి నడకల అడుగులతో
వచ్చీ రానీ మాటలతో పాపలు ముద్దుల మూటలు !!చిన్నారి!!
రంగు రంగుల బొమ్మలు చూసీ నింగిలోని జాబిల్లిని చూసి
ఆనందంతో గంతులు వేసే పాపలు ముద్దుల మూటలూ!!చిన్నారి!!
కీలు గుర్రాల స్వారీ చేస్తూ కేరింతలతో గంతులు వేస్తూ
తారంగంతో గలగల లాడే పాపలు ముద్దుల మూటలూ!!చిన్నారి!!
ఎన్నోనోములూ నోచీ
రచన: కోకా రాఘవ రావు గారు
ఎన్నో నోములూ నోచీ నవమాసములూ మోసి
నీ నోముల ఆశల పంటగా నాకీ జన్మను ఇచ్చితివమ్మా
1. దేవుళ్ళ కధలెన్నో చెప్పావు దేవతలను గూర్చీ చెప్పావు
దేవుడెక్కడో తెలియదు గానీ నీవే నాకూ దైవము తల్లీ !!ఎన్నో!!
2. నా లేతా మనసునా చిన్ననాటనే నాటిన పవిత్ర భావాలే
నా జీవితమునకూ ఆశయాలై నా బ్రతుకూ నడిపించేనమ్మా!!ఎన్నో!!
మాతృ దేవో భవ! పితృ దేవో భవ! ఆచార్య దేవో భవ! అతిథి దేవో భవ!!
0 comments:
Post a Comment