శ్రీ రామ రఘు రామ శృంగార రామయని

           

ప. శ్రీ రామ రఘు రామ శృంగార రామయని
చింతింప రాదే ఓ మనసా

చ1. తళుకు చెక్కుల ముద్దు పెట్ట కౌసల్య మును
తపమేమి జేసెనో (కౌసల్య
తపమేమి జేసెనో) తెలియ (శ్రీ)

చ2. దశరథుడు శ్రీ రామ రారాయని పిల్వ మును
తపమేమి జేసెనో (దశరథుడు
తపమేమి జేసెనో) తెలియ (శ్రీ)

చ3. తనివార పరిచర్య సేయ సౌమిత్రి మును
తపమేమి జేసెనో (సౌమిత్రి
తపమేమి జేసెనో) తెలియ (శ్రీ)

చ4. తన వెంట చన జూచియుప్పొంగ కౌశికుడు
తపమేమి జేసెనో (కౌశికుడు
తపమేమి జేసెనో) తెలియ (శ్రీ)

చ5. తాపంబణగి రూపవతియౌటకహల్య
తపమేమి జేసెనో (అహల్య
తపమేమి జేసెనో) తెలియ (శ్రీ)

చ6. ధర్మాత్మ చరణంబు సోక శివ చాపంబు
తపమేమి జేసెనో (చాపంబు
తపమేమి జేసెనో) తెలియ (శ్రీ)

చ7. తన తనయనొసగి కనులార కన జనకుండు
తపమేమి జేసెనో (జనకుండు
తపమేమి జేసెనో) తెలియ (శ్రీ)

చ8. దహరంబు కరగ కరమును పట్ట జానకి
తపమేమి జేసెనో (జానకి
తపమేమి జేసెనో) తెలియ (శ్రీ)

చ9. త్యాగరాజాప్తయని పొగడ నారద మౌని
తపమేమి జేసెనో (ఆ మౌని
తపమేమి జేసెనో) తెలియ (శ్రీ)