వేలవేల వెలుగుల హస్తాలు చాచి

బ్రహ్మశ్రీ సామవేదం షణ్ముఖ ఆచార్యుల వారు వ్రాసిన శివపదములోనుండి సూర్యుని కీర్తన.

పల్లవి: వేల వేల వెలుగుల హస్తాలు చాచి చెంత చేర్చి
నీ మహస్సు నా మనస్సులో వచస్సులోన నింపి
ఆదుకొనుమ దిశాంపతీ! ఓ హిరణ్యబహూ! నీవే గతి

చరణం: సామకిరణ తంత్రీశ్రుతి సాగి నాడులను ధ్వనించి
నాద హృదయస్పందనమే నాదు హృదిని లయించి
నవ నవ భావాక్షరములు నా గళమున రహించి
కవితా కచ్ఛపిగా నా బ్రతుకంతా రవళించగ ..... పల్లవి....

చరణం: సద్య: స్ఫురణమ్ముగా సాగే శబ్దార్భటితో
రసోన్మత్తభావోజ్జ్వల రమ్యసాత్త్వికాకృతితో
నా కావ్యప్రపంచమే నీ నాట్య ప్రాభవమై
జగత్తునకు మహానందజాగ్రద్భాష్యమునీయగ ..... పల్లవి....

http://picosong.com/Yg8d