నగజాకుమార! ఓ గజరాజముఖ! నీకు నిగనిగల కర్పూర నీరాజనం

బ్రహ్మశ్రీ సామవేదం షణ్ముఖ శర్మగారు వ్రాసిన ఈ కీర్తనతో గణపతికి నీరాజనాలు సమర్పించుకుందాం

నగజాకుమార! ఓ గజరాజముఖ! నీకు నిగనిగల కర్పూర నీరాజనం
నీరాజనం దివ్య నీరాజనం... నీరాజనం నిత్య నీరాజనం 2

నీ పాదముల వ్రాలు దేవకోటికిరీట దివ్యమణి కాంతులే నీరాజనం
ఓ మహకాయ! నీ ముందు మిణుగురులైన తారకాగ్రహతతులే నీరాజనం
నీరాజనం దివ్య నీరాజనం... నీరాజనం నిత్య నీరాజనం
బాలసూర్యునిరీతి భాసించు నీరూపు తిలకించు చూపులే నీరాజనం
నీ కృపను వెలుగు ఈ గీతికాజ్యోతులే నిలువెల్ల నిను జూపు నీరాజనం
వల్లభా ప్రాణేశ! కళ్యాణ గుణమయా! వాణీప్రదా! నీకు నీరాజనం
పాణితలముల పరశుపాశాదులనుదాల్చు ప్రణతార్తిసంహార! నీరాజనం
నీరాజనం దివ్య నీరాజనం... నీరాజనం నిత్య నీరాజనం

http://picosong.com/JTFq