ఆకాశవీధిలో... అందాల జాబిలీ

       
చిత్రం : మాంగల్యబలం (1959)
రచన : శ్రీశ్రీ
సంగీతం : మాస్టర్ వేణు
గానం : ఘంటసాల, పి.సుశీల

ఓ... ఓ.... ఓ... ఓ...ఓ...
ఆకాశవీధిలో... అందాల జాబిలీ...
వయ్యారి తారను జేరి
ఉయ్యాలలూగెనే సయ్యాటలాడెనే...
ఆకాశవీధిలో... అందాల జాబిలీ...
వయ్యారి తారను జేరి
ఉయ్యాలలూగెనే సయ్యాటలాడెనే..

 జలతారు మేలి మబ్బు పరదాలు వేసి తెరచాటు చేసి...
పలుమారు దాగిదాగి పంతాలుపోయి పందాలు వేసి...
అందాల చందమామ దొంగాటలాడెనే దోబూచులాడెనే...
ఆకాశవీధిలో... అందాల జాబిలీ...
వయ్యారి తారను జేరి
ఉయ్యాలలూగెనే సయ్యాటలాడెనే...
అ... అ... ఓ... ఓ... అ... అ... ఓ... ఓ...

 జడివాన హోరుగాలి సుడిరేగి రానీ జడిపించబోనీ...
కలకాలం నీవే నేనని పలుబాసలాడి చెలిచెంతజేరి...
అందాల చందమామ అనురాగం చాటెనే నయరాగం చేసెనే...
ఆకాశవీధిలో... అందాల జాబిలీ...
వయ్యారి తారను జేరి
ఉయ్యాలలూగెనే సయ్యాటలాడెనే...