స్వాగతం... ఓహో చిలిపి నవ్వుల శ్రీవారు

చిత్రం : ఆత్మీయులు (1969)

సంగీతం : ఎస్. రాజేశ్వరరావు

గీతరచయిత : ఆరుద్ర

నేపధ్య గానం : సుశీల

పల్లవి : స్వాగతం... ఓహో చిలిపి నవ్వుల శ్రీవారు

సోగకనులు సైగ చేస్తే ఆగలేని దొరగారు

చరణం 1 : కొంగు తగిలిందా పొంగిపోతారు...

కొంగు తగిలిందా పొంగిపోతారు...

కోరి రమ్మంటే బిగిసిపోతారు

ఎందుకో...  ఎందుకో...  ఈ బింకము

అలిగినకొలది అందము... అబ్బాయిగారి కోపము

అలిగినకొలది అందము... అబ్బాయిగారి కోపము

పిలిచిన ప్రేయసికి ఇదేనా కానుక.. మీ కానుక

బెట్టుచాలును దొరగారు..

చరణం 2 : అందమంతా విందు చేస్తే అదిరిపడతారే

అందమంతా విందు చేస్తే అదిరిపడతారే

పొందుకోరి చెంత చేర బెదిరిపోతారే

సరసమొ...  విరసమొ...  ఈ మౌనము

అందిన చిన్నది చులకన.. అందనిదెంతో తీయన

అందిన చిన్నది చులకన.. అందనిదెంతో తీయన

అవతల పెట్టండి... తమాషా పోజులు... మహారాజులు

అధిక చక్కని దొరగారు...