chehara hai ya chaand khila hai

Movie: Saagar

Singer(s): Kishore Kumar

Music By: R D Burman

Lyricist(s): Javed Akhtar

 Ho, chehara hai ya chaand khila hai, julf ghaneree shaam hai kya
 Saagar jaisee aankho waalee, yeh toh bata teraa naam hai kya
 
 Tu kya jaane teree khaatir, kitna hai betaab yeh dil
 Tu kya jaane dekh raha hai, kaise kaise khwaab yeh dil
 Dil kehta hai tu hai yaha toh, jaata lamha tham jaaye
 Wakt kaa dariya behte behte, iss manjar me jam jaaye
 Tune divaana dil ko banaaya, iss dil par iljaam hai kya
 Saagar jaisee aankho waalee, yeh toh bata teraa naam hai kya
 
 Ho, aaj mai tujhase dur sahee, aur tu mujhase anjaan sahee
 Teraa saath nahee paau toh, khair teraa armaan sahee
 Yeh armaan hain shor nahee ho, khamoshee ke mele ho
 Iss duniya me koyee nahee ho, ham dono hi akele ho
 Tere sapane dekh raha hu, aur meraa abb kaam hai kya
 Saagar jaisee aankho waalee, yeh toh bata teraa naam hai kya