హలో సారు భలేవారు

   

ప: హలో సారు భలేవారు చెలి వలపు తెలుసుకోరు
పైకెంతో చల్లని వారు తమరెంతో అల్లరి వారు నా మనసు దోచినారు
చాలు చాలు సరసాలు ఇంక దూరంగా ఉంటేనే మేలు

౧. రానిమ్ము రానిమ్ము ఏమైనా కాని
నా ఇంపు నా సొంపు నీ సొమ్ము కాదా
నా తోడు నీవై నీ నీడ నేనై
కలవాలి కరగాలి కావాలి ఒకటిగా!!

౨. రావాలి రావాలి సరియైన అదను
ఆ నాడు ఇవ్వాలి నీ నిండు మనసు
ఆలోగా నువ్వు ఆవేశపడకు
ఆకాశ సౌధాలు నిర్మించ రాదులే!!

౩. అనురాగ బంధాలు సడలించవద్దు
పెనవేయు హృదయాలు విడదీయవద్దు
నీ లేత వలపు ఆమోదమైన
బంగారు స్వప్నాలు పండేది ముందెప్పుడో!!