ప: ఎక్కడ ఉన్నా ఏమైనా
మనమెవరికి వారై వేరైనా
నీ సుఖమే నేను కోరుకున్నా
నిను వీడి అందుకే వెళుతున్నా
నీ సుఖమే నే కోరుకున్నా
౧. అనుకున్నామని జరగవు అన్నీ
అనుకోలేదనీ ఆగవు కొన్ని
జరిగేవన్నీ మంచికనీ
అనుకోవడమే మనిషి పనీ..!!
౨. పసిపాపవలె ఒడి చేరినాను
కనుపాపవలె కాపాడినాను
గుండెను గుడిగా చేశానూ
గుండెను గుడిగా చేశానూ
నువ్వుండ లేననీ వెళ్లావు!!
౩. వలచుట తెలిసిన నా మనసునకు
మరచుట మాత్రం తెలియనిదా
మనసిచ్చినదే నిజమైతే
మన్నించుటయే ఋజువు కదా!
నీ కలలే కమ్మగా పండనీ!!
నాతలపే నీలో వాడనీ
కలకాలం చల్లగా ఉండాలనీ
దీవిస్తున్నా నా దేవిని
దీవిస్తున్నా నా దేవిని
ఎక్కడ ఉన్నా ఏమైనా
మనమెవరికి వారై వేరైనా
నీ సుఖమే నేను కోరుకున్నా
నిను వీడి అందుకే వెళుతున్నా
నీ సుఖమే నే కోరుకున్నా
నీ సుఖమే నేను కోరుకున్నా..
0 comments:
Post a Comment